monumenta.ch > Hieronymus > ad Hebraeos, 130 > csg75.840 > uwbM.p.th.f.68.184 > habCod.Guelf.81Weiss..108 > sectio 10 > sectio 23 > bnf13013.167 > Matthaeus, 5 > bnf10439.138 v > sectio 4 > sectio 12 > bnfNAL1615.204 > sectio 35 > uwbM.p.th.f.68.317 > bsbClm6224.411 > csg48.202 > uwbM.p.th.f.68.187 > bsbClm6436.46 > Marcus, 13 > csg914.252 > bnf17226.222 > uwbM.p.th.f.12.72 > uwbM.p.th.f.12.15 > uwbM.p.th.f.68.50 > uwbM.p.th.f.68.126 > csg68.404 > sectio 7 > bsbClm6436.46 > habCod.Guelf.81Weiss..22 > habCod.Guelf.81Weiss..110 > uwbM.p.th.f.12.72 > csg75.840 > bnfNAL1615.212 > bnf10439.146 r > csg250.410 > ad Hebraeos,3192 > ad Hebraeos,3966 > csg457.185 > Apocalypsis, 1 > csg457.180 > bsbClm6224.408 > bavPal.lat.1449.254 > bnfNAL1615.178 > sluMscr.Dresd.A.145.b.54 > bsbClm6436.46 > sectio > sectio 1 > csg251.133 > bmv343.340 > bnf7296.91 > 45 > habCod.Guelf.81Weiss..59 > csg457.187 > 7
Beda, De Arte Metrica, VI De ultimis syllabis nominum, pronominum, et participiorum. <<<     >>> VIII De ultimis syllabis coniunctionum, praepositionum, et interiectionum.

VII De ultimis syllabis verborum et adverbiorum. MANUSKRIPT-LINKS EINBLENDEN APPARAT AUSBLENDEN

1	In verbis primae coniugationis producuntur a et as, ut ama, amas; in [Paris., secunda . . . . tertia producta . . . . tertia correpta.] secundae e et es, ut sede, sedes; in tertiae productae i et is, ut nutri, nutris; in tertiae correptae breviantur e et is, ut cerne, cernis. In omnibus o corripitur, ut amo, sedeo, cerno, nutrio, tametsi auctoritas variet.
2	Eadem in infinitivo modo penultimas syllabas a, e, et i productas habent, ut amare, sedere, nutrire. Item e correptam, ut cernere. Similiter in aliis modis productis eiusdem vocalibus, ut amarem, amares, amaret, et caetera ad suam formam; e correpta in verbis tertiae coniugationis [Paris., correptam.] correptae, ut cernerem, cerneres, et caetera. Item es corripitur, ut sum, es, et quae ex his componi possunt, ut adsum, ades, possum, potes; item faxis, velis, adsis [Paris., longa.] longas, quia pluralis numerus ea producit, cum dicimus, producta media adsitis, velitis, faxitis.
3	Omnes in verbis novissimae syllabae, quae sunt huiusmodi, ut res et ses, longae sunt, quia producit eas numerus pluralis, ut amares, amaretis, amasses, amassetis. Item producenda sunt quae in c terminantur, ut fac, dic, duc, induc; aut [Paris. in i.] i, ut amavi, amari; aut in u, ut amatu. Corripiuntur autem quae in m aut in es, ut amem, ames; vel in us, ut amamus; vel in t, ut amat; vel in re, ut amare; vel in tis, ut amatis.
4	Adverbia quae in a terminantur, productione gaudent, ut una; quae vero in e, ex nomine veniunt, et comparationis gradus servant, ut docte, doctius, doctissime, producuntur; si autem a se nascuntur, ut saepe, aut non comparantur, ut rite; aut in comparatione deficiunt, ut bene, male, breviantur. I finita, praeter quasi, ibi et ubi, vel quae ex ipsis fiunt, ut sicubi, producuntur, ut heri.
5	O indifferenter accipitur, ut falso. U producitur, ut noctu. L et r breviantur, ut semel, pariter; ul, ut simul, m, ut tam. N vero, excepto [Paris, non et an.] non, en, an, ubique breviatur, ut forsan. S breviatur, ut magis, funditus, excepto cum a praecessit, ut alias. C producitur, ut hic, illic, adhuc.
6	Monosyllaba producuntur, ut cur, plus, exceptis his, bis et ter. Verum ne dupliciter profertur; nam producitur, cum prohibendo dicitur: Scrutari ne cura procax abstrusa laboret;
7	Vel cum ponitur pro ut non, ut idem Prosper ait: Et vindicta brevis sic noxia crimina finit, Ne sine fine habeat debita poena reos. Corripitur autem, cum interrogando vel increpando ponitur, ut: Tune, cruente, ferox, audax, insane, rebellis. [Paris., Es.] S in numeris corripitur, ut toties, quoties, septies, decies.